मंगलबार सेयर बजार परिसूचक नेप्से दोहोरो अङ्कले बढेको छ । लामो समयपछि नेप्से दोहोरो अङ्कले बढेको हो ।
नेप्से मङ्गलवार २७ दशमलव ३१ अङ्कले बढेर एक हजार आठ सय ७१ दशमलव ३४ विन्दुमा पुगेको छ ।
मंगलबार सबै समूहको सेयर बढेकोमा उत्पादन, बीमा, विकास बैंक र माइक्रोफाइनान्स समूहको सेयर उच्च अङ्कले उकालो लागेको छ । बजार दोहोरो अङ्कले बढे पनि कारोबार रकममा भने सुधार आएको छैन ।
मंगलबार दुई सय ६२ वटा कम्पनीका ३३ लाख १५ हजार कित्ता सेयर ९४ करोड ५२ लाख रुपैयाँमा कारोबार भएका छन् ।
सबैभन्दा धेरै शिवम् सिमेन्टको सात करोड १० लाख रुपैयाँको र तमोर जलविद्युत कम्पनीको सेयर पाँच करोड रुपैयाँमा किनबेच भयो ।
म्ंगलबार सबैभन्दा धेरै कालिञ्चोक दर्शन लिमिटेड कम्पनीको सेयर १० प्रतिशत र आदर्श लघुवित्तको सेयर साढे नौ प्रतिशतले बढेको छ ।
समग्रमा बजार बढे पनि तमोर जलविद्युत कम्पनीको सेयर सबैभन्दा धेरै साढे तीन प्रतिशतले घटेको छ ।
